ലോകോപകാരാർത്ഥം മന്ഥര പർവ്വതത്തിന്റെ ഭാരവും വഹിച്ചുകൊണ്ട് മഹാവിഷ്ണുവിന്റെ അതിശക്തമായ 'കടയൽ' അനുഭവിച്ചുകൊണ്ട് അമൃത് മഥനം കഴിയുന്നതുവരെ അക്ഷോഭ്യനായി നിലകൊണ്ട ഏറ്റവും ശക്തനായ മഹാകൂർമ്മാവതാര സങ്കൽപമാണ് ശ്രീ പരശുരാമനാൽ ഈ ആമമംഗല ക്ഷേത്രത്തിൽ പ്രതിഷ്ഠിതമായത്. കൂർമ്മാവതാരമായതുകൊണ്ട് ആമമംഗലം എന്നും സർവ്വദുഃഖ ഹരനായതുകൊണ്ട് ആമേയമംഗലമെന്നും പറയാം. ഏത് രീതിയിലാണെങ്കിലും ''ആമേങ്ങലത്ത് അപ്പൻ'' സർവ്വജനങ്ങളുടെയും ദുഃഖം തീർക്കാനാണ് ഇവിടെ നിലകൊള്ളുന്നത്.

ടിപ്പുവിന്റെ പടയോട്ടക്കാലത്തും തുടർന്നുണ്ടായ ആക്രമണങ്ങളുടെ ഭാഗമായും ഈ ക്ഷേത്രം തകർക്കപ്പെടുകയും അന്യാധീനമാവുകയും ചെയ്തു. ക്ഷേത്രസം രക്ഷണ സമിതിയുടെ ആഭിമുഖ്യത്തിൽ അന്തരിച്ച പാട്ടം വിഷ്ണു നമ്പൂതിരി (നന്മണ്ട ഹൈസ്‌കൂൾ ഹെഡ്മാസ്റ്റർ) യുടേയും മറ്റും നേതൃത്വത്തിൽ ഒരുകൂട്ടം ഭക്തജനങ്ങൾ കാടുപിടിച്ചുകിടക്കുകയായിരുന്ന ഈ ക്ഷേത്രത്തിന്റെ ജീർണ്ണോദ്ധാരണ പ്രക്രിയ ആരംഭിക്കുകയായിരുന്നു. കഴിഞ്ഞ പത്ത് നാല്പത് കൊല്ലത്തെ പ്രവർത്തനഫലമായി ക്ഷേത്രം ഇപ്പോഴത്തെ സ്ഥിതിയിലെത്തുകയും നിർമ്മാണ പ്രവർത്തനങ്ങൾ പുരോഗമിച്ചുകൊണ്ടിരിക്കുകയുമാണ്. പൂർവ്വികത്തിൽ ഇവിടെ നിത്യനിദാനജപം, വേദോച്ചാരണങ്ങൾ, വാരം, ഊട്ട്, കൊടികയറി ഉത്സവം, പള്ളിവേട്ട, ആറാട്ട് തുടങ്ങിയവ ഉണ്ടായിരുന്നു. കൂടാതെ ക്ഷേത്രത്തിന് ഒരു സത്രവും രണ്ട് കുളങ്ങൾ, രണ്ട് കിണറുകൾ,നാഗാലയങ്ങൾ എന്നിവയും ഉണ്ടായിരുന്നു. ക്ഷേത്രത്തിനു സമീപത്തായി വിളക്കുമഠം, പട്ടർമഠം തുടങ്ങി സ്ഥലനാമങ്ങൾ ഇപ്പോഴുമുണ്ട് . ഇവിടെ ശാന്തി കഴിക്കാനായി തെഞ്ചേരി ഇല്ലക്കാരെയാണ് ഏൽപിച്ചിരുന്നത്. അവർക്ക് നിത്യ നിദാനത്തിനായി ''ശാന്തിപാടം'' എന്ന വയലും നൽകിയിരുന്നു.

പൂർവ്വിക കാലത്ത് ഈ ക്ഷേത്രം ബ്രാഹ്മണരുടെ കൈവശമായിരുന്നു. ആ കാലത്ത് ക്ഷേത്രത്തിനു ചുറ്റുമായി നിരവധി ബ്രാഹ്മണ ഗൃഹങ്ങളുണ്ടായിരുന്നു. കാലാന്തരത്തിൽ മൂസ്സത് വിഭാഗത്തിന്റേയും പിന്നീട്‌ നായർ വിഭാഗത്തിന്റേയും കൈവശമായി. നല്ലൂളി, നീലഞ്ചേരി, അടുംക്കുടി, ആമമംഗലം എന്നീ നായർ തറവാടുകളായിരുന്നു ആദ്യകാല ഊരാളൻമാർ. പിൽക്കാലത്ത് തൊടുവയിൽ, ചമ്മിൽ പുതുക്കുടി, ചമ്മിൽക്കുന്നത്ത്, മംഗലശ്ശേരി എന്നീ നാലു നായർ തറവാട്ടുകാരാണ് ഊരാളന്മാരെങ്കിലും തൊടുവയിൽ തറവാട്ടുകാർക്കാണ് അതിൽ പ്രാധാന്യം.

വഴിപാടുകൾ ‍

പുഷ്പാഞ്ജലി, നിത്യ പൂജ , ത്രികാല പൂജ, ഒരു ദിവസത്തെ പൂജ, ശിവ പൂജ , ഭഗവതി പൂജ , ലക്ഷ്മി നാരായണ പൂജ, ഗണപതി ഹോമം, മഹാ ഗണപതി ഹോമം , സുദര്ശപന ഹോമം , മൃത്യുഞ്ജയഹോമം, കറുക ഹോമം , വെള്ള നിവേദ്യം, പാല്പായസം , ശർക്കര പായസം, നെയ്പയാസം , കഠിന പായസം , ത്രിമധുരം, പഴം പഞ്ചസാര, വെണ്ണ നിവേദ്യം , അപ്പം നിവേദ്യം , അവില്‍ നിവേദ്യം , മലര്‍ നിവേദ്യം , പാനകം , നരച്ചോർ , നീരാന്ജനം , ശംഖാഭിഷേകം , നെയ്‌ വിളക്ക് , വിളക്ക് , മാല , തുളസി മാല, വിളക്ക് മാല , ചോറൂണ്‍ , വാകച്ചാർത്ത് , കെട്ടുനിറ , ചന്ദനം ചാർത്തൽ, വിവാഹം , വിദ്യാരംഭം , രൂപം എടുത്ത് വെക്കല്‍ , ശ്രീ സൂക്ത പുഷ്പാഞ്ജലി , ആയുര്‍ സൂക്ത പുഷ്പാഞ്ജലി , ഐകമത്യ സൂക്തം , സന്താനഗോപാലം , സ്വയം വരം , സഹസ്രനാമം , അന്നദാനം, ചുറ്റുവിളക്ക് .

ഉത്സവങ്ങള്‍

ക്ഷേത്രോത്സവം ധനു മാസത്തിലെ രോഹിണി നക്ഷത്രത്തിലാണ് നടത്തുന്നത്. ഇതുകൂടാതെ കര്‍ക്കിടക പൂജ ,നവരാത്രി - സരസ്വതി പൂജകളും നടത്തുന്നുണ്ട് .

ക്ഷേത്രത്തിന്റെ പുനരുദ്ധാരണ പ്രവർത്തനങ്ങൾ വിലയിരുത്തുന്നതിനും ദേവഹിതം അറിയുന്നതിനും പ്രമുഖ ജ്യോതിഷികളുടെ നേതൃത്വത്തിൽ 2016 ഫിബ്രവരി 3,4,5 തിയ്യതികളിൽ അഷ്ടമംഗലപ്രശ്‌നം നടത്തുകയുണ്ടായി. ശ്രീകോവിലിന്റെ ജീർണ്ണത പരിഹരിക്കുകയും ചുറ്റമ്പലത്തിന്റെയും മറ്റുംനിർമ്മാണം പൂർത്തീകരിക്കുകയും ചെയ്ത് ദേവചൈതന്യം വർദ്ധിപ്പിക്കുന്നതിനായി നവീകരണ കലശത്തോടു കൂടിയപരിഹാരക്രിയകൾ നടത്തേണ്ടതാ യിട്ടുണ്ടെന്നാണ് പ്രശ്‌നത്തിൽ കണ്ടെത്തിയത്. നവീകരണകലശത്തിന്റെ മുന്നോടിയായി ആപൽ പരിഹാരപൂജകൾ 2016 മാർച്ച്-ഏപ്രിൽ മാസങ്ങളിൽനടത്തുകയുണ്ടായി. പ്രശ്‌ന പരിഹാര ക്രിയകളുടെ ഭാഗമായി പ്രശസ്ത ശിൽപ ശാസ്ത്രവിദഗ്ധൻ ബ്രഹ്മശ്രീ വേഴപ്പറമ്പിൽ ബ്രഹ്മദത്തൻ നമ്പൂതിരിപ്പാട് 2016 ഫിബ്രവരി 22-ാം തിയ്യതി ക്ഷേത്രംസന്ദർശിക്കുകയും ബിംബത്തിന്റേയും, ശ്രീ കോവിലിന്റേയും, ഉപദേവതാ സ്ഥാനങ്ങളുടെയും, ചുറ്റമ്പലത്തിന്റേയും, ക്ഷേത്രക്കുളത്തിന്റേയും മറ്റും ഇപ്പോഴത്തെ അവസ്ഥ വിലയിരുത്തുകയും വിവിധപരിഹാര നടപടികൾ നിർദ്ദേശിക്കുകയും ചെയ്തിട്ടുണ്ട്

ക്ഷേത്ര നിർമ്മാണകമ്മറ്റി

നവീകരണ നിർമ്മാണ പ്രവർത്തനങ്ങളുടെ മേൽ നോട്ടത്തിനും നടത്തിപ്പിനുമായി താഴെപറയുന്ന അംഗങ്ങളുടെ ഒരു കമ്മറ്റി രൂപീകരിച്ച് പ്രവർത്തനം ആരംഭിച്ചിട്ടുണ്ട് .

രക്ഷാധികാരികൾ
1. ബ്രഹ്മശ്രീ മേൽപ്പള്ളി മന ഉണ്ണികൃഷ്ണൻ അടിതിരിപ്പാട് ( ക്ഷേത്രം തന്ത്രി )
2. ശ്രീ. തേറിയിൽ പത്മനാഭൻ നായർ ( പ്രസിഡന്റ് ,ക്ഷേത്ര ഭരണ സമിതി )
3. ശ്രീ. ഇ. ദാമോദരൻ ഏറാടി
4. ശ്രീ.മതി തങ്കം ടീച്ചർ (റിട്ട. പ്രൊഫസർ, എസ്.എൻ.ജി കോളേജ്)
5. ശ്രീമതി. ശാന്ത ടീച്ചർ (റിട്ട. എച്ച്.എം, ജ്ഞാനപ്രദായിനി)
6. ശ്രീ . ചെത്തിൽ (ഗോകുലം) കൃഷ്ണൻ നായർ

ചെയർമാൻ: ശ്രീ. എം. രവീന്ദ്രൻ നായർ

വൈസ് ചെയർമാൻ: ശ്രീ. കുട്ടപ്പൻ. എൻ.കെ

ജനറൽ കൺവീനർ: ശ്രീ. ബിജു. കെ.സി

ജോയന്റ് കൺവീനർമാർ : 1. ശ്രീ. സുരേന്ദ്രൻ .പി.കെ , 2. ശ്രീ. ലൈജു.സി.പി

ഫൈനാൻസ് ചെയർമാൻമാർ : ശ്രീ. ഇ . അച്ചുതാനന്ദൻ മാസ്റ്റർ

ജോ. ഫൈനാൻസ് ചെയർമാൻ : 1. ശ്രീ. ശിവൻ.പി.കെ, 2. ശ്രീ. ബിജു സുധിൻ

അംഗങ്ങൾ :
ഹരിദാസൻ കണ്ണന്നൂർ , സന്തോഷ് .ഇ .പി , രാജേഷ് കളത്തിൽ , അനിൽകുമാർ തറോൽ , ഉണ്ണിനായർ . വി .എം , ഭരതൻ .കെ .കെ , ശ്രീധരൻ തമ്പാൻ , ഷാജി .ബി , വിജേഷ് .കെ . മറ്റു ക്ഷേത്ര ഭരണസമിതി അംഗങ്ങളും ,മാതൃ സമിതി ഭാരവാഹികളും അംഗങ്ങളാണ് .


നവീകരണഫണ്ട്
ക്ഷേത്ര നവീകരണ പ്രവർത്തനങ്ങൾക്കും തുടർന്നുള്ള നവീകരണ കലശത്തിനുമായി ഏതാണ്ട് 50 ലക്ഷം രൂപ ചെലവു വരുമെന്നാണ് പ്രതീക്ഷിക്കുന്നത്. ഭക്തജനങ്ങളുടെ പരിപൂർണ്ണ സഹകരണവും അകമഴിഞ്ഞ സംഭാവനകളും വഴി മാത്രമേ ഈ മഹത്തായ ഉദ്യമം ലക്ഷ്യപ്രാപ്തിയിലെത്തുകയുള്ളൂ.ധനസമാഹരണത്തിനായി സ്റ്റേറ്റ് ബാങ്ക് ഓഫ് ഇന്ത്യ ബാലുശ്ശേരി ശാഖയിൽ ഒരു ബാങ്ക് എക്കൗണ്ട് തുടങ്ങിയിരിക്കുകയാണ്. എസ്.ബി. എക്കൗണ്ട് നമ്പർ. 67368384729. ഐ എഫ് എസ് സി. എസ്.ബി. ഐ .എൻ 0070314. അകമഴിഞ്ഞ സംഭാവനകൾ നൽകാൻ ദൈവനാമത്തിൽ അപേക്ഷിക്കുന്നു. ക്ഷേത്ര നിർമ്മാണ സാമഗ്രികൾ (മരം, കല്ല്, ഓടി തുടങ്ങിയവ) സ്‌പോൺസർ ചെയ്യാനും അവസരമുണ്ട്

ദശാവതാരക്ഷേത്രങ്ങളെല്ലാം ഒരു ദേശത്ത് ഉണ്ടാവുക എന്നത് തികച്ചും ആശ്ചര്യമായിരിക്കും. കാക്കൂരിലെ പൊന്‍കുന്ന് മലയുടെ ചുറ്റുമായിട്ടാണ് ദശാവതാരക്ഷേത്രങ്ങള്‍ സ്ഥിതിചെയ്യുന്നത്. അവ ഇപ്രകാരമാണ്.


1. പെരുമീന്‍ പുറം ശ്രീ മാഹാവിഷ്ണു ക്ഷേത്രം - മത്സ്യാവതാരം
2. ആമമംഗലം ശ്രീ മഹാവിഷ്ണു ക്ഷേത്രം - കൂര്‍മ്മാവതാരം
3. പന്ന്യം വള്ളി വാര്യമഠം ശ്രീവിഷ്ണു ക്ഷേത്രം - വരാഹാവതാരം
4. തൃക്കോയിക്കല്‍ നരസിംഹക്ഷേത്രം - നരസിംഹാവതാരം
5. തീര്‍ത്ഥങ്കര വാമന ക്ഷേത്രം - വാമനാവതാരം
6. പരശുരാമ ക്ഷേത്രം (കാക്കൂര്‍ പോലീസ് സ്‌റ്റേഷന്‍ പരിസരത്ത്) - പരശുരാമാവതാരം
7. രാമല്ലൂര്‍ ശ്രീരാമസ്വാമി ക്ഷേത്രം - ശ്രീരാമാവതാരം
8. കാവില്‍ ബലരാമക്ഷേത്രം - ബലരാമാവതാരം
9. ഈന്താട് ശ്രീകൃഷ്ണ ക്ഷേത്രം - ശ്രീകൃഷ്ണാവതാരം
കല്‍ക്കി - ദശാവതാര ക്ഷേത്രങ്ങളില്‍ ഇനിയും കെത്താത്ത ക്ഷേത്രമാണിത്. കാക്കൂരിലാണ് ഈ ക്ഷേത്രവും സ്ഥിതി ചെയ്യുന്നതെന്നാണ് വിശ്വാസം.

ക്ഷേത്ര ഭരണസമിതി

രക്ഷാധികാരികള്‍ :
1.ശ്രീ. രവീന്ദ്രന്‍ നായര്‍ .എം
2.ശ്രീ. ദാമോദരന്‍ ഏറാടി .ഇ
3.ശ്രീ. ഭാസ്കരന്‍ മാണിക്കലത്ത്
4.ശ്രീ. കണാരന്‍ .സി

പ്രസിഡന്റ്‌ : ശ്രീ. പത്മനാഭന്‍ തേറിയില്‍

വൈസ് പ്രസിഡന്റ്‌ : ശ്രീ. ഹരിദാസകുറുപ്പ്

സിക്രട്ടറി : ശ്രീ.ഉണ്ണി നായര്‍ വിളക്കു മഠത്തില്‍

ജോ. സിക്രട്ടറി :
1.ശ്രീ.രാജേഷ്‌ കളത്തില്‍
2.ശ്രീ.അനില്‍ തറോല്‍

ഖജാൻജി : ശ്രീ.സന്തോഷ്‌ ഇ .പി

എക്സി .അംഗങ്ങള്‍
1.ശ്രീ.ഷാജി .ബി
2.ശ്രീ.ബിജു .എന്‍
3.ശ്രീ.ബിജു .കെ .സി
4.ശ്രീ.ഹരിദാസന്‍ നടുക്കണ്ടി
5.ശ്രീ.കൃഷ്ണന്‍ കുട്ടി തീര്‍ത്ഥങ്കര
6.ശ്രീ.അച്ചുതാനന്ദന്‍ എടവലത്ത്
7.ശ്രീ.ഭരതന്‍ .കെ.കെ
8.ശ്രീ.സുരേന്ദ്രന്‍ .പി .കെ
9.ശ്രീ.സുരേന്ദ്രന്‍ മാണിക്കലത്ത്
10.ശ്രീ.ഹരിദാസന്‍ പി .കെ
11.ശ്രീ.വിനീത് കളത്തില്‍
12.ശ്രീ.ലൈജു മൂത്താലങ്കോട്ട്
13.ശ്രീ.ശ്രീധരന്‍ തമ്പാന്‍
14.ശ്രീ.ശശി വി എം
15.ശ്രീ. രഞ്ജീഷ് എം
16.ശ്രീ.കുട്ടപ്പന്‍ നടുവിലക്കണ്ടി
17.ശ്രീ.ശിവന്‍ പാലയുള്ള കണ്ടി
18.ശ്രീ.ശ്രീധരന്‍ നായര്‍
19.ശ്രീ.രമേശ്‌ കുമാര്‍
20.ശ്രീ.സോമന്‍ .കെ .സി

ഓഡിറ്റര്‍ : ശ്രീ.മുരളി ഇ .പി

മാതൃസമിതി

പ്രസിഡന്റ് : ശ്രീമതി വിലാസിനി പി .കെ

വൈസ് പ്രസിഡന്റ് : 1. ശ്രീമതി ബേബി രോഹിത 2. ശ്രീമതി ഷീജ ഇ .പി

സിക്രട്ടറി : ശ്രീമതി ഗ്രീഷ്മ ലൈജു

ജോ. സിക്രട്ടറി : 1. ശ്രീമതി വത്സല മാണിക്കലത്ത് 2. ശ്രീമതി തങ്കം ഗോപാലൻ

ഖജാൻജി : ശ്രീമതി രാജേശ്വരി ചന്ദ്രകാന്തം

അംഗങ്ങൾ :
ശ്രീമതി നിഷ മധു
ഡോ. നിഷ
ശ്രീമതി വസന്ത
ശ്രീമതി സരോജിനി
ശ്രീമതി മാധവി എം .സി
ശ്രീമതി രേണുക
ശ്രീമതി മായ
ശ്രീമതി ശ്യാമള
ശ്രീമതി രശ്മി
ശ്രീമതി ഷിജു രമേശൻ
ശ്രീമതി പ്രബിത ഇ .പി
ശ്രീമതി സുലോചന
ശ്രീമതി ശ്രീജില
ശ്രീമതി ഗീത .ടി

കേരളം സൃഷ്ടിച്ച പരശുരാമന്‍ കേരളത്തില്‍ ധാരാളം ബ്രാഹ്മണരെ കുടിയിരുത്തി. ആ ബ്രാഹ്മണന്മാരാണ് പില്‍ക്കാലത്ത് നമ്പൂതിരിമാര്‍ എന്ന് അറിയപ്പെട്ടത്. കാലാന്തരത്തില്‍ കേരളം 32 നമ്പൂതിരി ഗ്രാമങ്ങള്‍ ഉള്‍ക്കൊള്ളുന്ന ഒരു പ്രദേശമായി തീര്‍ന്നു. ഈ 32 ഗ്രാമങ്ങളില്‍ ഒന്നായ ഈശാനമംഗലം ഗ്രാമത്തിലെ ഒരു ദേശമാണ് രാമല്ലൂര്‍. ഈ ദേശത്താണ് ദശാവതാര ക്ഷേത്രങ്ങള്‍ സ്ഥിതിചെയ്യുന്നത്. അക്കാലത്തെ ഗ്രാമങ്ങളും ദേശങ്ങളും ഇപ്പോഴത്തെ ഗ്രാമങ്ങളെയും, ദേശങ്ങളെയും അപേക്ഷിച്ച് വളരെ വലുതായിരുന്നു. ദശാവതാരത്തിലെ രണ്ടാമത്തെ അവതാരമാണ് കൂര്‍മ്മം. ദശാവതാര പ്രതിഷ്ഠകള്‍ ഇവിടെ നടത്തിയതിന് പ്രത്യേകകാരണങ്ങള്‍ ഉണ്ടെന്നാണ് കരുതപ്പെടുന്നത്. 108 ശിവാലയങ്ങളും 108 ദുര്‍ഗ്ഗാലയങ്ങളും പ്രതിഷ്ഠിക്കുകയും മറ്റു മഹര്‍ഷിമാരെ വിവിധങ്ങളായ ക്ഷേത്രപ്രതിഷ്ഠകള്‍ നടത്തുവാന്‍ പരശുരാമന്‍ നിയോഗിക്കുകയും ചെയ്തതിനാല്‍ കേരളത്തിലങ്ങോളമിങ്ങോളം ധാരാളം ക്ഷേത്രങ്ങളുണ്ടാ യി. എന്നാല്‍ വൈഷ്ണവ വംശജനായ താന്‍ വിഷ്ണുവിന്റെ ദശാവതാരങ്ങള്‍ പ്രതിഷ്ഠിക്കേണ്ടതല്ലേ എന്ന ചിന്ത അദ്ദേഹത്തിന്റെ മനസ്സില്‍ ഉയര്‍ന്നുവന്നു. അതിന് പറ്റിയ സ്ഥലം കണ്ടെത്താന്‍ ആകാശമാര്‍ഗ്ഗേ സഞ്ചരിക്കുമ്പോള്‍ ധാരാളം മഹര്‍ഷിമാര്‍ വസിക്കുന്ന പൊന്‍കുന്ന് മലയും താഴ്‌വരയും കണ്ടു. നിബിഡമായ കാടും, ധാരാളം തെളിനീര്‍ ചോലകളും ഉള്ള ഈ പ്രദേശം അദ്ദേഹത്തെ ഹഠാദാകര്‍ഷിച്ചു. പനിനീര്‍ ചോലകളുടെ കളകളാരവവും പക്ഷിക്കൂട്ടങ്ങളുടെ കളകൂജനങ്ങളും അദ്ദേഹത്തില്‍ ഒരു നവോന്മേഷം ഉണ്ടാക്കി. ഹിംസ്ര മൃഗങ്ങള്‍പോലും വളരെ ശാന്തമായി സഞ്ചരിക്കുന്നത് അദ്ദേഹത്തെ ആകര്‍ഷിച്ചു. അന്ന് ഇവിടെ തപസ്സ് ചെയ്തിരുന്ന ഗൗതമ മഹര്‍ഷിയുടെ അരികെ എത്തുകയും തന്റെ ആഗമനോദ്ദേശം അറിയിക്കുകയും ചെയ്തു. സന്തുഷ്ഠനായ ഗൗതമ മഹര്‍ഷിയുടെ നിര്‍ദ്ദേശാനുസരണം ദശാവതാരങ്ങള്‍ ഒരു വൃത്തപരിധിയില്‍ വരത്തക്കവിധത്തിലും വൃത്ത കേന്ദ്രത്തില്‍സ്ഥിതി ചെയ്യുന്ന മഹാവിഷ്ണുവിന്റെ പ്രതിഷ്ഠയില്‍ നിന്ന് ഏതാണ്ട് തുല്യ ദൂരത്തിലുമായി ദശാവതാര പ്രതിഷ്ഠകള്‍നടത്തി. പൂജാദികര്‍മ്മങ്ങള്‍ക്കായി നമ്പൂതിരിമാരെ ഏല്‍പ്പിച്ചു. അന്നിവിടെ ഉണ്ടായിരുന്ന നൂറുകണക്കിന് നമ്പൂതിരി കുടുംബങ്ങള്‍ ഒത്തുകൂടി മഹാവിഷ്ണു ക്ഷേത്രത്തിനും ദശാവതാരക്ഷേത്രങ്ങള്‍ക്കും പൂജാദികള്‍ നടത്തുവാന്‍ ആവശ്യമായ ക്രമീണകരണങ്ങള്‍ ഉണ്ടാക്കി. ഇങ്ങനെ പരശുരാമനാല്‍ പ്രതിഷ്ഠിക്കപ്പെട്ട ദശാവതാര ക്ഷേത്രങ്ങളില്‍ രണ്ടാമത്തേതാണ് ഈ കൂര്‍മ്മാവതാര ക്ഷേത്രം.